E ka menduar si një shaka, por tashmë Granit Sulku do të kalojë disa kohë brenda komisariateve të policies, raporton newsbomb.al. Sulku, pasi ka marrë fletën e votimit, ka votuar subjektin politik PD dhe ka filmuar votën e tij. Por menjëherë, sipas dëshmive të komisionerëve, ka pretenduar se iu prish fleta e votimit.
Komisioni ka vendosur ti japë një fletë tjetër votimi. Sulku këtë radhë ka ndryshuar mendjen dhe ka votuar për LSI, por pas kësaj, e ka filmuar përsëri votën.
Vëzhguesi e ka parë gjithë këtë veprim, kryer për së dyti, e ka bllokuar, dhe ka njoftuar menjëherë policinë. Tashmë Granit Sulku është arrestuar. Në përfundim te veprimeve nga specialistët për hetimin e krimit në komisariatin e policisë 4, u bë arrestimi në flagrancë I 30 vjecarit për veprën penale të “Shkeljes së fshehtësisë së votës”.
