Hetimet për ngjarjen e rëndë në fshatin Frashër, ku 26-vjeçarja Ermanilda Rama vrau babanë e saj për motive të dobëta, kanë sjellë arrestimin e një personi të dytë.
Specialistët e Policisë Fier ndaluan Çlirim Doganin, 55 vjeç, banues në fshatin Arapaj të Roskovecit, i dyshuar se ka bashkëpunuar në vrasjen e viktimës, duke përdorur strangulim (mbytje me tel), si dhe sende të forta dhe mjete prerëse.
Materialet janë referuar Prokurorisë së Fierit për hetime të mëtejshme.
NJOFTIMI I POLICISË
Fier
Punë e pandërprerë hetimore për zbardhjen e plotë të rrethanave të ngjarjes së ndodhur në fshatin Frashër, ku shtetasja E. R. vrau për motive të dobëta, babanë e saj.
Vihet në pranga bashkëpuntori i 26-vjeçares.
Në vijim të hetimeve të kryera me qëllim dokumentimin e plotë të rrethanave të ngjarjes, specialistët e Seksionit për Hetimin e Krimeve Kundër Personit të Drejtorisë Vendore të Policisë Fier bënë ndalimin e shtetasit Ç. D., 55 vjeç, banues në fshatin Arapaj, Roskovec.
Nga kryerja e hetimeve dyshohet se ky shtetas ka bashkëpunuar me shtetasen E. R., në vrasjen e babait të saj nëpërmjet strangulimit (mbytje me tel), si edhe duke përdorur sende të forta dhe mjete prerëse.
Materialet procedurale iu referuan Prokurorisë së Fierit, për veprime të mëtejshme.
