20-vjeçarja Elida Cani ka dhënë dëshmitë e para në polici, pas vrasjes së Arben Gjeçit, në Zall Bastar të Tiranës. Ajo ka thënë se kishte shpesh konflikte me bashkëshortin e saj, por ka mohuar se kishte krijuar lidhje jashtëmartesore me viktimën.
Sipas saj, ai e kishte ngacmuar disa herë në fshat, madje i kishte prerë edhe rrugën, por ajo nuk i kishte dhënë asnjë lloj afrimiteti.
“Më ngacmonte dhe më dilte në rrugë, por unë nuk kisha lidhje me të”, – ka thënë Elida Cani.
Autori i dyshuar i krimit, Esat Cani, ka pranuar të ketë debatuar me viktimën ditën kur ndodhi ngjarja, por mohon ta ketë vrarë atë. Ai ka rrëfyer se ishte bashkëshorti i Elidës, Dëfrim Kurti që kishte zbuluar tradhtinë. Të dy të rinjtë kishin vendosur të mbanin nën vëzhgim 20-vjeçaren për ta kur në flagrancë me të dashurin.
Burime policore thanë se ata i kanë kapur në një kasolle dhe në gjaknxehtësi e sipër vëllai i Elidës e ka sulmuar 30-vjecarin Gjeçi me levë. Babai i 3 fëmijëve ka marrë plagë të rënda në kokë nga të cilat gjeti vdekjen në spital. Trupi i tij u la në anë të rrugës ku u gjet nga kalimtarët. Ishin mjekët që kanë kuptuar se viktima ishte vrarë, dhe nuk ishte aksidentuar, siç u tentua të fshihej krimi.
