WhatsApp në fillimet e tij kërkonte nga përdoruesit një tarifë abonimi vjetor, por më vonë e hoqi, dhe që nga ajo kohë, aplikacioni ka qenë pa pagesë.
Kur Facebook e bleu, ishte e qartë se planifikonte të nxirrte fitime nga Whatsaapi, megjithatë nuk dihej saktësisht sesi do te ndodhte kjo. Vitin e kaluar u konfirmuan planet se do të futeshin reklama në shërbimin gjigand të mesazheve, të ngjashme me Stories në Instagram.
Por tani, nga sa raporton Wall Street Journal, Facebook-u duket ka vendosur të tërhiqet prej kësaj ideje. Kompania kishte krijuar një ekip për të parë mënyrat sesi mund të fitohen para nga aplikacioni, por ajo skuadër është shpërndarë dhe puna që kishte bërë deri tani, rezulton të jetë fshirë nga kodi i WhatsApp.
Kjo do të thotë se të paktën për momentin, Facebook nuk do të prezantojë reklama në aplikacion, por me një bazë të tillë aktive masive të përdoruesve, do të ishte e pamundur të mendohet, sipas ekspertëve, se Facebooku nuk do ta rishikojë një qasje të tillë në të ardhmen.
