Në mbledhjen e komisionit të ligjeve ku ka pasur diskutime mbi ndryshimet që janë bërë në statusin e gjyqtarit, ish-ministri i brendshëm Fatmir Xhafaj ka folur për paketën Anti-KÇK për të cilën thotë se qëllimi nuk është efektiv.
Xhafaj është shprehur se ndihet i keqardhur që këtë debat po e udhëheq më shumë kryeministri në vend që të flasin organet e reja të sistemit të drejtësisë KLGJ e KLP, të cilat sipas Xhafës duhet të dëgjoheshin më fort.
“Pse qeveria nuk e bëri vetë këtë nismë? Qëllimi nuk është efektiv. Qasja jonë nuk është vetem politike, por edhe Kushtetuese. Kemi organet e reja të sistemit. Nuk mund të flasim si dje. Sot kemi KLGJ, KLP dhe ILD.
Jam i keqardhur që me këtë debat të fortë publik të udhëhequr nga kryeministri, KLGJ e KLP flasin më pak, ata duhet të ishin institucionet të cilat duhet të dëgjoheshin më fort”, ka thënë Xhafaj.
