Një foto e shumë viteve më parë, që flet shumë. Kanë kryer shërbimin ushtarak në të njëjtën kohë disa nga futbollistët më të famshëm të ish-Jugosllvisë, mes tyre edhe Fadil Vokrri, ish-sulmues i Partizanit të Beogradit dhe ish- president i Federatës së Futbollit të Kosovës, shkruan Gazeta Metro.
Bashkë me Vokrrin janë edhe disa futbollistë tjerë të famshëm të ish-Jugosllavisë. I pari është kroati Zvonimir Boban, për të vazhduar me malazezin Dejan Savicevic, Darko Pancev, Fadil Vokrri, Aliosha Hasanovic dhe Dragan Jakovljevic.
Fadil Vokrri ka luajtur 12 ndeshje me ekipin përfaqësues të Republika Socialiste Federative e Jugosllavisë dhe ka shënuar 5 gola.
Vokri ka vdekur teksa ishte në një qendër fitnesi ku pësoi një infarkt në zemër, ku pavarësisht ndihmës së shpejtë dhe transportit në spital, nuk ia doli të mbijetojë. Ai la pas bashkëshorten Editën dhe tre fëmijët, djemtë Gramozin e Albertin dhe vajzën Albanën.
