Yuri Kim përshëndet arrestimet në radhët e gjyqësorit: Koha që SPAK të jetë tërësisht funksional

Ambasadorja amerikane Yuri Kim ka folur nga Shkodra për operacionin “Starova”, që çoi në pranga tre persona, mes tyre përgjegjësi i departamentit të drejtësisë në Fakultetin e Shkencave politike e juridike në Universitetin “Aleksandër Moisiu” Durrës si dhe u ekzekutuan masat “Arrest në shtëpi” për një gjyqtare dhe një avokat. Yuri Kim ka përshëndetur arrestimet me urdhër të SPAK por ka folur dhe për persona që po pengojnë punën e tyre. “Shpresoj që SPAK të funksionojë plotësisht. Kemi parë disa që po pengojnë SPAK në punën e tyre. SPAK duhet të qëndrojë fort për të vijuar punën”, deklaroi ambasadorja Kim.