Një ngjarje e rëndë ka tronditur pasditen e djeshme ne zonën e Yzberishtit në Tiranë, ku një 14-vjeçar ka humbur jetën pasi ka rënë nga lartësia e katit të gjashtë të një apartamenti.
Sipas informacioneve paraprake, rënia dyshohet të ketë qenë aksidentale. I mituri u transportua me urgjencë drejt spitalit në gjendje të rëndë për jetën. Pavarësisht përpjekjeve të mjekëve për ta mbajtur në jetë, fatkeqësisht, ai ndërroi jetë pak pas mbërritjes në spital si pasojë e plagëve të rënda të marra nga rënia.
Policia ndodhet në vendngjarje dhe ka nisur hetimet për të sqaruar rrethanat e plota të incidentit tragjik.
