Fieri është i katërti më i godituri në vend nga pandemia e koronavirusit, ndërsa deri tani janë 195 raste aktive. Burimi i kryesor i infektimit po kthehen plazhet dhe dasmat. Këto të fundit janë të ndaluara, por njerëzit nuk heqin dorë dhe vazhdojnë të organizojnë ceremoni gëzimi.
Më datën 20 gusht, policia e Fierit ka ndëshkuar pronarët e dy lokaleve pasi organizuan dasma në kundërshtim me Aktin Normativ. Sipas burimeve, 10 rastet e ditës së djeshme janë vatra të reja, por dhe kontakte. Ndërsa katër raste ishin në Patos, ku tre prej të cilave ishin në Zharrëz dhe u infektuan në një dasmë rreth 3 ditë më parë. Ndërkohë vijon hetimi epidemiologjik për cdo rast që ka rezultuar pozitiv me Covid-19 në të gjithë qytetin.
