Policia e Tiranës ka identifikuar autorin e dyshuar të vjedhjes së dyqanit të celularëve në rrugën “Myslym Shyri” në Tiranë më 9 Shkurt 2024.
Sipas bluve të kryeqytetit, i dyshuari është Afrim Dulaj 43 vjeç, i cili u identifikua pas hetimeve dhe dokumentimit me prova ligjore.
Policia e Tiranës ka publikuar foton e tij dhe ka vendosur shpërblim 5 mijë Euro për këdo që jep informacione që çojnë në arrestimin e tij.
NJOFTIMI I POLICISË SË TIRANËS:
Zbardhet dhe dokumentohet me prova ligjore, pas një pune intensive hetimore, nga Komisariati i Policisë Nr. 2, vjedhja e ndodhur më datë 09.02.2024, në një dyqan celularësh, në rrugën “Myslym Shyri”.
Shpallet në kërkim një 43-vjeçar, si autor i dyshuar i kësaj ngjarjeje.
Shërbimet e Komisariatit të Policisë Nr. 2, në vijim të veprimeve për zbardhjen dhe dokumentimin e ngjarjes së ndodhur më datë 09.02.2024, në një dyqan celularësh, në rrugën “Myslym Shyri”, kanë vijuar hetimet e thelluara për identifikimin e autorit të rastit.
Si rezultat i punës intensive hetimore, u bë identifikimi dhe shpallja në kërkim e autorit të dyshuar, shtetasit Afrim Dulaj, i ditëlindjes 02.11.1980, banues në Tiranë.
DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e tij.
Drejtoria Vendore e Policisë Tiranë vendos në dispozicion të qytetarëve, numrat e telefonit 112 dhe +355 69 410 0118, duke garantuar anonimatin e plotë të çdo telefonuesi.
