Tre ditë pas vrasjes së çiftit të moshuar në banesën e tyre në Dropull, policia ka gjetur autorin e ngjarjes që tronditi mbarë opinionin publik. Mësohet se është arrestuar autori i vrasjes së Kosta dhe Kleoniqi Ilia, 80 dhe 84 vjeç.
Në pranga ka rënë bashkëfshatari Thoma Mastora, 69 vjeç.
“Nga veprimet hetimore të kryera u arrit në konkluzionin se viktimat ishin goditur me sende të forta dhe prerëse. Nga kontrolli i ushtruar në banesë u gjet dhe u sekuestrua dhe një vlerë rreth 5 mln lekë të reja që çifti kishte në banesë. U shoqëruan 35 persona, u kryen kontrolle, u bë eksperiment hetimor, Nga hetimet intensive u arrit të sqarohet motivi i ngjarjes dhe të dokumentimit autori i ngjarjes së rëndë,. Autori i këtij krimi dyshohet të jetë Thoma Mastora 69-vjeç banues po në këtë fshat. Ndalimi i tij u bë për veprën penale vrasje në rrethana të tjera cilësuese.
Konflikti është për motive të dobëta dhe mosmarrëveshje të mëprashme. Është për shkaqe të dobëta dhe konflikt i çastit. Janë sekuestruar prova dhe mjeti me të cilin dyshohet se është kryer krimi dhe është dërguar për ekzaminim.”, njofton policia.
