Që nga dita e parë në vazhdim Zëri i Amerikës ka qenë në krah të studentëve duke transmetuar jo vetëm protestën live, por edhe duke mbajtur qëndrime të qarta në krah të tyre.
Edhe gjatë ditës së sotme, kur Edi Rama mbajti monologun e tij më të gjatë, Zëri i Amerikës është fokusuar më shumë tek studentët se tek kryeministrit.
Sipas VOA, studentët kërkojnë zgjidhje, por Rama mban fjalime në Facebook.
Më poshtë shkrimi i sotëm i Zërit të Amerikës:
Mijëra studentë rinisën sot për të gjashtën ditë tubimin e tyre të protestës para ministrisë së arsimit, duke kërkuar përgjysmim të tarifave dhe rregullime të tjera në jetën universitare.
Ata thanë se kërkesat e tyre janë të panegociueshme dhe askush nuk është ngarkuar të bisedojë me kryeministrin në emrin e tyre.
Por në të njëjtën kohë, kryeministri Edi Rama nisi një komunikim ne facebook, ku tha se dialogu është i nevojshëm dhe se priste prej 3 ditësh të dialogonte me ta.
‘Nuk është Shqipëria e ultimatumeve dhe britmave, por e bisedave për të zgjidhur kërkesat. Jam dakord se ka probleme me tarifat, por qëllimi i përbashkët është ta zgjidhim’ – tha zoti Rama.
Ai renditi një seri statistikash në dobi të arsimit, duke krahasuar me një mandat më parë, si e gjeti shumica e tij sistemin arsimor.
Edhe ambasadori i BE-së Luigi Soraca tha se po ndjek me vëmendje protestën e studentëve dhe beson se dialogu me qeverinë është i nevojshëm.
