Holanda, një ndër shtetet më skeptike sa i përket zgjerimit të Bashkimit Europian dhe hapjes së negociatave me Shqipërinë, pritet të ndryshojë rregullat parlamentare sa i takon kësaj çështjeje. Sikurse është rënë dakort me Parlamentin, Qeveria Hollandeze është angazhuar të përditësojë rregullat parlamentare sa i takon çështjes së zgjerimit në BE. Diskutimet e djeshme në parlament ishin pjesë e këtij angazhimi.
Dje, parlamenti hollandez diskutoi shkurtimisht një letër që Ministri i Jashtëm Blok i pati dërguar parlamentit më datë 4 shtator. Letra i referohej draftit të kuadrit të negociatave për Shqipërinë dhe Maqedoninë e Veriut, shpërndarë nga Komisioni Europian në datën 1 korrik dhe që së fundmi po diskutohet në Bruksel.
Në datën 6 Tetor, Hollanda gjithashtu mori paketën vjetore të zgjerimit të publikuar nga Komisioni Europian, pjesë e të cilës është dhe raport progresi për Shqipërinë për 2020. Si zakonisht, qeveria hollandeze do t’i dergojë parlamentit një vlerësim të kësaj pakete në javët në vijim. Kjo do të vijohet nga një debat sipas procedurave parlamentare. Do të jetë takimi i Këshillit të Çështjeve të Përgjithshme, e cila në nëntor do të diskutojë edhe paketën e zgjerimit.
Qeveria holandeze për herë të parë ka propozuar hapjen e negociatave për Shqipërinë, por duke vendosur kushte. Holanda pret që Shqipëria të bëjë përparim me ngritjen e Gjykatës Kushtetuese, plotësimin e Gjykatës së Lartë, finalizimin e vetingut, forcimin e luftës ndaj korrupsionit, përfshirë zyrtarë të lartë dhe rishikimin e ligjit të medias, sipas Komisionit të Venecias.Për Maqedoninë e Veriut, “po”-ja është pa kushte.
