Në kulmin e replikave te forta mes Kryeministrit dhe Presidentit, lidhur me mosdekretimin e ministrit te Jashtem, duket se eshte gjetur zgjidhja e ngercit qe po mban pezull kreun e institucionit te rendesishem.
Burime per “Panorama” bejne me dije se ne situaten e krijuar, pas perplasjes me Presidentin Meta, per mosdekretimin e Gent Cakajt si minister i Jashtem, do te jete vete Rama qe pritet te marre drejtimin e institucionit te rendesishem.
Të njëjtat burime pohojne se kryeministri Edi Rama pritet të cojë emrin e tij ne tavolinen e Presidentit Ilir Meta per postin e mbetur bosh, ende te padekretuar nga kreu i shtetit.
Post qe thuhet se do ta mbaje deri ne momentin qe Gjykata Kushtetuese te shprehet per ngercin e krijuar mes tij dhe Presidentit lidhur me ceshtjen e mosdekretimit.
Kujtojme se per kete opsion “Panorama” ka shkruar teksa zbardhi detaje nga takimi koke me koke i Rames me Meten.
Takimi zgjati rreth 20 minuta dhe Meta i njoftoi Ramës arsyet pse nuk do ta dekretonte Gent Cakajn.
Burime bëjnë të ditur se gjatë takimit, Meta i ka sugjeruar Edi Ramës që të ndjekë shembullin e Kryeministrit Aleksis Tsipras dhe të jetë ai që të marrë përsipër edhe funksionin e ministrit të Punëve të Jashtme.
Partia Socialiste ka mbledhur sot Kryesinë për herë të parë për vitin 2019 ku ka diskutuar rreth situatës politike në vend.
Mësohet se në këtë mbledhje do të diskutohet dhe për çështje organizatave të PS në funksion të zgjedhjeve lokale të 30 qershorit.
Pritet dhe diskutim mbi situaten aktuale politike pas perplasjeve kryeministri-presidence mbi çështjen e ministrit te Jashtëm.
Kujtojmë që mbledhja e fudnit e Kryesisë së PS ishte në datën 29 dhjetor të vitit të kaluar, ku sërish u diktua në lidhje me zgjedhjet lokale të 30 qershorit por dhe për ngritjen e strukturave të reja të partisë./PANORAMA
