Rozeta Cefanllari ka humbur kontaktet me familjen e saj që prej mbrëmjes së djeshme.

Kanë qenë familjarët të cilët kanë ngritur shqetësimin, duke denoncuar zhdukjen e 74-vjeçares.

Gjithashtu të afërmit thanë për ‘BalkanWeb’ se e moshuara vuan nga Alzheimer, ndërsa është larguar nga banesë në orën 24:00.

Sakaq, bënë me dije se gjithashtu kanë bërë edhe denoncim në polici, ndërsa kërkojnë edhe ndihmën e qytetarëve që mund të kenë rënë në kontakt me të moshuarën. Sipas familjarëve 74-vjeçarja jetonte me bashkëshortin, në lagjen ‘Pirro Mani’ në Tiranë.