Një garë e fortë duket edhe këtë vit për trofeun më prestigjoz në aspektin personal, “Topi i Artë”. Kjo pasi përveç Messit dhe Ronaldos, janë edhe shumë lojtarë të tjerë që shihen si pretendentë potencialë.
Trajneri i Real Madridit, Zinedine Zidane, ka deklaruar se të gjithë lojtarët e tij e meritojnë të fitojnë Topin e Artë të këtij viti. Natyrisht që më favoriti duket Karim Benzema, i cili ka qenë lojtari kryesor te skuadra e Zidane këtë sezon duke shënuar 19 gola në 35 paraqitje në La Liga.
Sulmuesi francez është emëruar si njëri nga favoritët për këtë trofe. Zidane u shpreh: Për mua, lojtarët e mi janë më të mirët. Karim nuk është në formë vetëm këtë vit, pasi ai ka bërë shumë mirë për shumë vite me radhë te Reali. Topin e Artë e fiton vetëm një, dhe të gjithë mund të komentojnë, por për mua të gjithë lojtarët e mi e meritojnë atë
Momentalisht, Real Madridi është katër pikë para Barcelonës dhe i duhen vetëm dy pikë nga dy ndeshjet e tyre të fundit të sezonit për të kërkuar titullin e 34-të në La Liga. Nëse mundin Villarrealin sot, ata do të sigurojnë titullin kampion një ndeshja para mbylljes së sezonit.
