Një zjarr ka përfshirë kodrat me ullishte në Levan të Fierit. Flakët të favorizuara edhe nga era janë përhapur me shpejtësi në një sipërfaqe të konsiderueshme.
Banorët e zonës kanë qenë të parët që kanë ndihmuar për shuarjen e flakëve, ndërkohë që menjëherë pas njoftimit të marrë forcat zjarrfikëse të reparti të Fierit kanë mbërritur në vendngjarje dhe kanë bërë të mundur neutralizimin e flakëve.
Ende nuk dihen shkaqet që kanë çuar në këtë zjarr, ndërsa paraprakisht dyshohet se zjarri mund të ketë ardhur nga pjesa e poshtme e kodrës, e më pas ka avancuar, favorizuar nga era e fortë.
