Në fshatin Turan të Tepelenës është djegur një banesë, por për fatin e mirë nuk është lënduar asnjë njeri. Shkaku i vërtetë për zjarrin nuk është mësuar akoma, ndërsa nga hetimet e para të policisë dyshohet që zjarri të ketë rënë aksidentalisht.
Zjarri ka rënë në shtëpinë e shtetasit Sifi Muça, ku nga flakët e fuqishme, kryesisht më shumë është djegur dhoma e gjumit, ku brenda saj familja ka pasur edhe një shumë parash prej 200 mijë lekësh të reja.
