4 punonjës të Bashkisë së Pogradecit kanë rënë në prangat e policisë, pasi janë kapur duke vjedhur ndihma që ishin dërguar në qytet në formën e një donacioni. Punonjësit e bashkisë, janë arrestuar pas denoncimit të qytetarëve.
4 punonjës të Bashkisë së Pogradecit, turpëruan qytetin. Ata vodhën ndihma që ishin donacion për qytetarët atje.
Reshit Fraholli me detyrë përgjegjës i rrugëve rurale dhe ish-kryetari i komunës se Çërravë, dhe punonjësit e kësaj ndërmarrje Raif Muçka; Bektash Xhudellari dhe Marsel Muçllari u arrestuan të dielën nga policia, pas videove të publikuara nga mediat, ku shihen personat duke marrë ndihmat.
Policia njoftoj se Këta shtetas, në bashkëpunim me njëri-tjetrin, në ambientet e pallatit të sportit, në qytetin e Pogradecit, vodhën disa pako me ndihma, të dhuruara nga donatorë të huaj, për komunitetin e kësaj bashkie.
Në cilësinë e provës materiale u sekuestruan pakot me sendet e vjedhura dhe një automjet tip “Audi”, me të cilin do të transportoheshin.
Ilaçe, maska, produkte të tjera mjekësore dhe rroba, janë vetëm disa prej gjërave që janë marrë nga punonjësit e bashkive.
10 kamionë me ndihma erdhën nga Gjermania të shtunën në Pogradec si donacion i personave të ndryshëm për komunitetin e Pogradecit.
