146 emigranët e anijes humanitare gjermane Alan Kurdi janë transferuar në regjim karantine në tragetin italian Rubattino, në afërsi të portit të Palermos. Operacioni i transferimit u bë me ndihmën e mjeteve lundruese e të forcave të Rojes Bregdetare e të Guardia Di Finanza Italiane.
Trageti Rubattino i kompanisë Tirrenia është nga tragetët më të mëdhenj italianë me kapacitet 1470 pasagjerë, 289 kabina e 195 vende ulje. Ky traget do të qëndrojë rreth 1 milje larg portit të Palermos. Në bordin e tragetit është dhe një staf mjekësor bashkë me personelin e Kryqit të Kuq italian që do kujdesen për emigrantët në regjim karantine. Drejt brigjeve italiane po mbërrin dhe anija tjetër humanitare Aita Mari me 40 emigrantë.
