Një punonjës i policisë shkencore në policinë e Vlorës është plagosur aksidentalisht me armën e tij të shërbimit. Ngjarja ka ndodhur mbrëmjen e sotme në banesën e efektivit. Punonjësi i policisë Ardjan Shehaj, me detyrë Laborant në Sektorin e Policisë Shkencore pranë Drejtorisë Vendore të Policisë Vlorë, ka qenë duke pastruar armën e shërbimit kur aksidentalisht i ka shkrepur arma dhe si pasojë është plagosur në shputën e këmbës, pa probleme për jetën. Ai është dërguar me urgjencë në spitalin rajonal të qytetit ku po i nënshtrohet një ndërhyrje kirurgjikale në shputën e këmbës.