Me urdhër të Aleksandër Frangajt, qindra punonjës të kompanisë DigitAlb vijojnë të mos paguhen duke rënduar gjendjen e tyre ekonomike. Kjo situatë, ka bërë që 174 punonjës të nënshkruajnë një peticion ku i kërkohet Frangajt që të autorizojë sekretaren e tij, Eglantina Lamaj-Administratore në DIGITALB, e cila nuk pranon të firmosë asnjë pagesë, deri në momentin që TV Klan është jashtë platformës DIGITALB.
Përmes këtij peticioni ata parështrojnë nevojën për të marrë pagën e tyre sipas klauzolave të kontratës së punës. Kujtojmë këtu se TV Klan doli nga Digitalb qershorin e vitit të shkuar, për tu transferuar në një platformë tjetër konkurruese.
Nga kjo lëvizje sipas llogarive Frangaj mësohet të ketë humbur mbi 250 mijë abonentë satelitore, pra, që e marrin sinjalin përmes satelitit dhe po ashtu më shumë se 80 % të shikuesve në Kosovë.
Në vijim të denoncimit, gazeta ka mësuar se humbja monetare e kësaj manovre amatore mendohet se i ka kushtuar Frangajt të paktën 2 milionë euro gjatë një viti. Kjo ka bërë që ai t’i hakërrehet punonjësve të DigitAlb përmes sekretares së tij Eglantina Lamaj, e emëruar si administratore e kompanisë.
