Viti 2018 nuk ka qenë i mbarë për fermerët që kultivojnë ullinj dhe për prodhuesit e vajit të ullirit në disa fshatra të Vlorës.
“Është anormale që në periudhën 15-20 nëntor ne të ndërpresim punën për shkak se nuk ka lëndë të parë”, thotë Vesaf Musai, prodhues i vajit të ullirit.
Në fshatin Panaja, ku ndodhen sipërfaqe të mëdha me ullishta dhe fabrika për nxjerrjen e vajit të ullirit, fermerë e prodhues kërkojnë më shumë vëmendje nga Ministria e Bujqësisë.
Ata thonë se prej dy vitesh përfaqësuesit e Drejtorisë së Bujqësise nuk interesohen për sipërfaqet me pemë që po degradohen.
