Profesori i kimisë ushqimore dhe specialist i kësaj fushe, Sokol Abazi ngre alarmin për mungesën e laboratorëve ushqimorë çka shton pasigurinë e konsumatorëve.
Në një intervistë për RTV Ora, marrë shkas nga aksionet e fundit të Autoritetit Kombëtar të Ushqimit ku sasi të shumta të ushqimeve janë zbuluar jashtë çdo standardi, profesor Abazi fajëson mungesën e seriozitetit në zbatimin e ligjit
Abazi: Janë kushte emergjence, duke mos dashur të shpallim panik, por janë kushte emergjence të sigurisë ushqimore. Diçka po lëviz dhe një farë mbrojtje po i bëhet konsumatorit. Nëse ky ushqim grumbullohet në shitje, më përpara ku ka qenë? Baza ligjore mnë Shqipëri është e kopjuar nga komiteti evropian është shumë e mirë. Ajo që çalon ëhstë zbatimi i asaj baze ligjore. Një nga arsyet kryesore që Sokol Abazi evidenton dhe që ai e cilëson “dramatike” është fakti që laboratorët ekzistues nuk kanë mundësi të kryejnë të gjitha analizat ushqimore ashtu siç e parashikon ligji
Abazi: Ndëshkueshmëria duhet të shkojë deri në origjinë. Aku ka akredituar dhe është në gjendje të kontrollojë diku në më pak se 100, po ato 900 të tjera? Prej kohësh siguria ushqimore është kthyer në një problem serioz për konsumatorin jo vetëm për pesticidet në fruta dhe perime, por edhe për produktet e importit.
