Adelina Ismajli ka rrëfyer pa doreza arsyen e largimit të saj nga muzika. E ftuar dje në emisionin NiN, Adelina tha se nuk mund të qëndronte në skenë përsa kohë që nuk e ndiqte nëna e saj e ndjerë. “Ka qenë një thyerje e madhe emocionale kur mami u nda nga jeta. Në atë moment e kam pasur plotësisht të pamundur të jem në skenë e mos t’i kemi dy sytë e mamit që më shohin. Nuk e pashë të arsyeshme të isha në skenë të këndoja”.
Adelina u shpreh se këtu ka ndikuar edhe ardhja në jetë e fëmijës dhe ndryshimi i realitetit për të. “Nuk kisha çfarë ndjenja të jepja”, u shpreh Adelina.
