Bashkia e Pogradecit me vendim të Këshillit Bashkiak ka përjashtuar nga tarifat për hapësirat publike të gjithë baret dhe restorantet që operojnë në biznesin e tyre me tavolina jashtë. Këto biznese nuk do të paguajnë taksa për periudhën Shtator-Tetor-Nëntor-Dhjetor, pra katër muajt e fundit të këtij viti.
Kjo kërkesë ka ardhur për shkak se bizneset paguajnë taksat për pjesën e brendshme të lokalit e cila që prej rihapjes, nuk është më e shfrytëzueshme për shkak të protokollit të sigurisë në kuadër të masave anti-Covid. Nisma lehtëson bizneset pas reduktimit të numrit të turistëve me përfundimin e sezonit veror. Ky vit solli mjaft vështirësi për këtë sektor për shkak të pandemisë së koronavirusit.
