Në fund të muajit gusht talebanët morën kontrollin e Afganistanit dhe mijëra afganë u larguan nga vendi i tyre për t’i shpëtuar regjimit të tmerrshëm të talebanëve.
Edhe në vendin tonë u strehuan mijëra afganë dhe në Lezhë që prej muajit shtator janë akomoduar 2 mijë afganë. Por një shtetaseje afgane i ka ndodhur një “incident” me shoqen e saj të dhomës. Maryam Sama ka denoncuar në polici se i kanë vjedhur 10 mijë dollarë në dhomën ku është akomoduar.
Ajo ka deklaruar në polici se paratë e saj ishin zëvendësuar me kartmonedha false dhe ka dyshime se këtë ia kanë bërë nga dy shoqet e saj të dhomës dhe i dashuri i njërës prej tyre. Nga verifikimet e kryera nga ana e autoriteteve është zbuluar se një kartëmonedhe dollari është fotokopjuar me ngjyra në 75 kopje.
Monedhat e fotokopjuar janë dërguar për analizim në laboratorin e policisë shkencore, me qëllim zbulimin e gjurmëve të gishtave të personave që mund ta kenë kryer këtë veprim. Por ende nuk asnjë person të ndaluar në lidhje me këtë rast.
