Një aksident është shënuar mesditën e sotme në Fushë-Krujë. Sipas policisë, shtetasi me iniciale M.Xh., teksa ka qenë duke drejtuar mjetin e tij, ka përplasur këmbësoren, shtetasen L.R., 55 vjeçe. Si pasojë e këtij aksidenti, kjo e fundit ka humbur jetën, ndërsa është bërë arrestimi i shoferit.
“Krujë/Informacion paraprak , Rreth orës 12:00, në fshatin Larushk, Fushë Krujë, automjeti me drejtues shtetasin M. Xh., 55 vjeç, ka aksidentuar shtetasen L. R., rreth 55 vjeçe, e cila për pasojë ka humbur jetën.
Drejtuesi i mjetit, shtetasi M. Xh., është shoqëruar në Komisariat, për veprime të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
