Aksident në aksin rrugor “Ersekë-Korçë” – Lëndohet një çift bashkëshortësh
Ngjarja: Një automjet ka dalë nga rruga dhe është përplasur me betonet anësore në dalje të urës së Selenicës.
Ndihma mjekësore:
Ambulanca ka ndërhyrë për nxjerrjen e të lënduarve nga makina.
Të plagosurit janë transportuar në spitalin e Korçës.
Mësohet se janë jashtë rrezikut për jetën.
Hetimet: Policia po vijon hetimet për të zbardhur rrethanat e aksidentit.
Detaje te reja…
Është dërguar drejt spitalit të Traumës në Tiranë, drejtuesi i automjetit, shtetasi E.I i cili mbeti i plagosur në aksidentin e regjistruar në orët e para të mëngjesit të sotëm në aksin rrugor “Ersekë-Korçë”, në dalje të urës së Selenicës.
Ai fillimisht u dërgua me ambulancë drejt spitalit të Korçës dhe më pas mjekët kanë vendosur drejt spitalit të Traumës për mjekim më të specializuar.
Shoferi me inicialet E.I. doli me automjet nga aksi rrugor Korçë-Ersekë dhe u përplas me barrierat prej betoni anës rrugës. Si pasojë e aksidentit mbeti e plagosur edhe bashkëshortja e tij pasagjere në automjet, shtetasja Xh.I.
Policia deklaroi se grupi hetimor po punon për sqarimin e plotë të rrethanave të aksidentit.
