Një aksident me vdêkje ka ndodhur pak minuta më parë në aksin Fushë-Krujë-Milot. Një makinë është përplasur me një kamion, dhe për pasojë një person ka humbur jetën dhe dy të tjerë kanë mbetur të plagosur rëndë.
Mësohet se shkak për aksidentin është bërë një parakalim i gabuar nga ana e drejtuesit të mjetit, ndërkohë që nuk dihet ende identiteti i personit që ka ndërruar jetë, apo i të plagosurve.
Burime zyrtare nga policia bënë me dije se janë përfshirë në aksident rrugor një mjet tip “Trajler” me një mjet tip “Opel” dhe për pasojë ka ndërruar jetë një shtetase rreth 40 vjeçe (ende e paidentifikuar pasagjere në mjetin tip “Opel”) dhe janë lënduar 2 shtetas, të cilët janë dërguar në spital.
Drejtuesi i mjetit tip “Trajler” është shoqëruar në ambientet e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e ngjarjes.
