Orjol Lame, shoferi 32-vjeçar i makinës që u përplas me shtëpinë e braktisur në Reggio Emilia dhe për pasojë humbën jetën 4 anëtarët e familjes, rezultoi pozitiv në testin e drogës dhe të alkoolit.
Lajmin e bëjnë të ditur mediat italiane.
Shoferi, i vetmi i mbijetuar nga aksidenti tragjik ndodhet ende në gjendje kritike ndërsa nga testet toksikologjike rezulton se ka konsumuar drogë të ndryshme dhe alkool.
Shane Hyseni, 22 vjeçe, Mattias Lame, 2 vjeç, Rejana Hyseni, 8 vjeçe dhe Resat Hyseni 11 vjeç humbën jetën në ngjarjen e rëndë që ndodhi mbrëmjen e së dielës rreth orës 20:00 në Via Emilia midis Cadé dhe Villa Gaida.
Kur mësuan aksidentin tragjik që u mori tre fëmijët dhe nipin, gjyshërit e tronditur kujtonin bisedën e fundit me vajzën 22-vjeçare që i kishte kërkuar prindërve të merrte motrën e vëllain për të dalë në darkë që rezultoi të ishte e fundit për ta.
