Policia ka arrestuar shoferin 29-vjeçar, Zija Murati, i cili drejtonte automjetin që u përfshi në aksident në Kashar, ku për pasojë humbën jetën tre persona.
Policia njofton se ka arrestuar në flagrancë të shtetasit Z. S.(M.), 29 vjeç, pasi duke drejtuar mjetin tip “Opel” dyshohet ka humbur kontrollin dhe ka dalë nga rruga duke u përplasur me murin e një banese.
Nga përplasja humbën jetën tre persona, të cilët ishin pasagjerë në mjet, dy prej tyre vëllezër. Viktimat janë Ismail Sulaj 66 vjeç, Belul Sulaj 63 vjeç dhe Dashamir Dema 50 vjeç.
Njoftimi i policisë: Specialistët e Qarkullimit Rrugor bënë arrestimin në flagrancë të shtetasit Z. S.(M.), 29 vjeç, pasi duke drejtuar mjetin tip “Opel” ka humbur kontrollin dhe ka dalë nga rruga duke u përplasur me murin e një banese. Si pasojë kanë humbur jetën tre pasagjerët në mjet, shtetasit I. S., 56 vjeç, B. S., 53 vjeç (vëllezër) dhe D. D., 50 vjeç. Materialet i kaluan Prokurorisë së Rrethit Gjyqësor Tiranë, për veprime të mëtejshme.
