Një aksident i rëndë ka ndodhur pasditen e djeshme në Bologna, Itali. Dy të vdekurit janë shqiptarë. Mediat italianë kanë zbardhur sot edhe identitet e tyre. Mësohet se bëhet fjalë për Antonin Hasdukajn 28 vjeç, banues në Imola dhe Suzana Gj., 38 vjeçe.
Kjo e fundit ishte e martuar. Siç shkruajnë mediat, bashkëshorti i saj ndodhej në Shqipëri, ndërsa kishin tre vajza, më e madhja 15 vjeçe. Makina me të cilën po udhëtonin shqiptarët është përfshirë në një përplasje të ashpër në autostradën numër 14 në Imola dhe për pasojë kanë humbur jetën.
