Djali i dy aktorëve shumë të dashur të telenovelave spanjolle, William Levy-t dhe Elizabeth Gutierrez, ka pësuar një aksident. Christopher Levy po udhëtonte me makinë golfi e cila është përmbysur duke i shkaktuar atij lëndime të shumta. 14-vjeçari u dërgua me urgjencë në spital me helikopter, ku iu nënshtrua një operacioni. Vetëm pak orë më parë, aktorët kanë reaguar në rrjete sociale, duke i falenderuar të gjithë personat që i kanë qëndruar pranë.
“Faleminderit të gjithëve që pa na njohur luteni për djalin tonë Christopher, si familje. Zoti e shëroftë plotësisht dhe shpejt Christopher-in dhe djemtë e tjerë. Me Zotin gjithçka është e mundur dhe ai mbron shërbëtorët e tij që i thërrasin. Christopher është një fëmijëbesimtar. Ne e dimë që Zoti ishte atje me të dhe fëmijët e tjerë dhe nuk kemi asgjë përveç fjalëve të mirënjohjes ndaj Zotit që nuk na braktis kurrë!
Shpresojmë ta shërojë Christopher-in që ai të vazhdojë të jetë një dritë ndriçuese në fushën e bejsbollit dhe në të gjitha fushat e jetës. Sa herë që Christopher shkëlqen në fushë, ai falënderon Zotin, e nderon atë dhe i frymëzon të tjerët të bëjnë mirë dhe të kenë besim te Zoti. Ai është një udhëheqës! Paçi gjithmonë mençurinë për të përdorur bekimet e Zotit për të bekuar të tjerët. Amen!”- ka shkruar Elizabeth.
