Një aksident i rëndë i ka marrë jetën aktorit shqiptar Panajot Naçi në moshën 31-vjeçare, në Greqi. Lajmi i keq është bërë publik nga muzikanti Gazment Mullahi, i cili është daja i të ndjerit.
Aksidenti fatal i ndodhur në orët e para të mëngjesit të djeshëm, ka zënë lajmet kryesore në mediat e Athinës. I riu ka qenë duke lëvizur me një motor kur është përplasur me një makinë të grumbullimit të mbetjeve, në kryqëzimin e rrugëve Deligiorgi dhe Kerameikou.
Ironia tragjike është se Naçi para aksidentit fatal automobilistik ka kaluar momente të bukura me kolegët, teksa ka qenë në një festë për ditëlindjen e koleges së tij, Alexandra Tavoulari, të cilën e kishte organizuar vetë, shkruajnë mediat e Athinës.
Miqtë kanë shprehur pikëllimin e tyre për ndarjen e mikut të tyre. “Të gjithë kemi mbetur të shokuar dhe pa fjalë nga vdekja tragjike në një aksident automobilistik të aktorit të ri Panos Natsis, protagonistit të George Kapoutzidis në serialin e ri SERRES…dhe në teatrin IBI… Është e pamundur ta pranosh këtë lajm tragjik…. Sa i ëmbël femije, sa mirë punuam… S’mund të të them lamtumire Pano im”, shkruan miku i tij, Spyros Bibilas.
