Aksidentuan për vdekje dy persona në trotuar tek Porcelani, gjykata jep masën e sigurisë për dy shoferët

Gjykata ka vendosur masën e sigurisë ‘arrest me burg pa afat’ për Etojn Lazrin ndërsa për Edmond Muratin arrest me burg me afat 30 ditor, dy drejtuesit e automjeteve të aksidentit tragjik që u mori jetën dy personave në Tiranë, tre ditë më parë. Kujtojmë se Erion Balla 36 vjeç dhe Hidajete Salliu 72 vjeçe po ecnin në trotuar kur u përplasën për vdekje në zonën e Porcelanit, si pasojë e përplasjes së dy automjeteve. Mësohet se prokurori Ervin Karanxha ka kërkuar arrest me burg për shoferin Etjon Lazri, ndërsa për shoferin tjetër, Edmond Murati do kërkojë arrest me burg me afat 30 ditë, derisa të vijë akti i ekspertimit autoteknik. Prokuroria thotë se nga këqyrja e pamjeve filmike, por edhe nga ekspertiza rezulton që Lazri ishte me shpejtësi të lartë.