Policia e Tiranës ka proceduar penalisht një 49-vjeçar për veprën penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.
Shtetasi me inicialet SH.T., 49-vjeç, banues në Tiranë i cili do të procedohet në gjendje të lirë, rezulton të jetë i dënuar më parë në Itali për veprën penale “prodhim dhe shitje të lëndëve narkotike”.
Sipas deklaratës së Policisë, në rrugën “Irfan Tomini”, në lokalin e tij, ky shtetas u konstatua duke hedhur lloto për ndeshje futbolli për shtetas të ndryshëm.
Në cilësinë e provës materiale në lokalin e tij u sekuestruan tre televizorë dhe një aparat celular.
Deklarata e plotë e Policisë:
Policia e Tiranës vijon kontrollet në të gjithë qarkun për evidentimin dhe ndëshkimin e atyre personave që vijojnë ende të ushtrojnë aktivitetin e kundraligjshëm të lojërave të fatit.
Procedohet penalisht 1 shtetas për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara”.
Sekuestrohen në cilësinë e provës materiale 3 televizorë dhe një aparat celular.
Shërbimet e Policisë të Komisariatit Nr. 2, proceduan në gjëndje të lirë shtetasin:
– Sh. T., 49 vjeç, banues në Tiranë, i dënuar më parë në Itali, për veprën penale “prodhim dhe shitje të lëndëve narkotike”.
Në rrugën “Irfan Tomini”, në lokalin e tij, ky shtetas u konstatua duke hedhur lloto për ndeshje futbolli për shtetas të ndryshëm. Në cilësinë e provës materiale u sekuestruan tre televizorë dhe një aparat celular.
Kontrollet kundër aktivitetit të lojërave të fatit do të vijojnë në gjithë qarkun Tiranë deri në ndëshkimin me ashpërsi të subjektit të fundit që ushtron këtë aktivitet anti-ligjor. Policia e Shtetit fton këdo të denoncojë falas në numrin 112 ose përmes aplikacionit “Komisariati Dixhital”, çdo veprimtari të tillë të kundraligjshme.
