Moderatorja e cila i ka munguar ekranit vitet e fundit, Amarda Toska, ditën e djeshme me anë të një postimi në Instastory bëri të ditur se do rikthehet.
Ami postoi një video nga mbledhja e stafit të “Portokallisë” dhe shkruante “Shtëpi e ëmbla shtëpi”. Mirëpo në “Portokalli”, nuk po rikthehet vetëm Ami, por edhe Ermali e Bes Kallaku.
Në një intervistë për Top Channel, regjisori Altin Basha ka treguar se për spektaklin e Vitit të Ri, “Portokallia” ka mbledhur bashkë emrat më të rëndësishëm. Ermal Mamaqi dhe emra të tjerë që Portokallia ka pasur ndër vite si Mariana Kondi, Bes Kallaku, Eneda Tarifa, do i bashkohen trupës së Portokallisë për të mbushur me humor shtëpitë e të gjithë shqiptarëve në 31 dhjetor.
