Në analizën vjetore të Zyrës Vendore Arsimore Selenicë, me pjesëmarrjen e Prefektit të Qarkut z. Flamur Mamaj, Kryetarit të Bashkisë Z. Pëllumb Binaj, përfaqësuesve të DRAP- Fier dhe Drejtuesve të institucioneve arsimore në këtë bashki.
Gjatë analizës u diskutuan realizimet dhe problematikat e hasura gjatë vitit 2021. Theksi u vendos në infrastrukturën e papërshtatshme për zhvillimin e mësimdhënies në shumë prej shkollave të kësaj ZVA-je, nevojave për kabinete mësimore dhe transportit të nxënësve.
Objektivat për vitin 2022, u fokusuan në zgjidhjen e problematikave në të ardhmen dhe prioriteteve në vazhdimësi.
Prefekti shprehu vlerësimin e tij për punën e kryer gjatë këtij viti dhe gadishmërinë për të dëgjuar dhe bashkëpunuar në zgjidhjen e problematikave të hasura.
