Të eksplorosh zonat e brishta polare pa shumë ndotje.
Një lloj ”paraprijëse të detrave”, anijet e para kroçera hibride në botë po formësohen në Norvegji, një hap për të bërë të gjelbër një sektor të vonuar në fushën ambientaliste.
Duke huazuar emrin e eksploruesve të famshëm norvegjezë, Roald Amundsen dhe Fridtjof Nansen po shfaqet tashmë silueta e tyre e zezë, e kuqe dhe e bardhë buzë kodrinave të mbuluara nga dëbora në kantieret detare ”Kleven”, në Ulsteinvik.
Brenda strukturës gjigante, dhjetëra punëtorë punojnë pa u ndalur për të ndërtuar anijet, të cilat sipas premtimit të pronarit të tyre do të ulin me 20% emetimet në raport me një anije klasike.
‘’Ambicia jonë është të arrijnë në zero emetim’’, sqaron për median, Daniel Skjeldam, drejtor i përgjithshëm i kompanisë ‘’Hurtigruten’’, e specializuar në menaxhimin e kroçerave, kryesisht në Arktik dhe Antarktik.
‘’Nuk jemi ende në këtë pikë pasi teknologjia në dispozicion nuk e mundëson, por kjo është një hap i madh përpara. Këto anije janë aq të avancuara nga sa mund të jenë për këto operacionesh rreth poleve’’, pohoi ai./ /v.b/ a.jor.
