Një shtetas shqiptar, 40-vjeçar nga Hotolishti është në gjendje kritike. Për shkak të një arresti kardiak tri nga arteriet e tij janë çarë dhe ai ka nevojë për operacion sa më shpejt të jetë e mundur. Mbesa e tij, Sabina Selmani përmes një mesazhi të dërguar pranë redaksisë së JOQ ALBANIA ka thënë se daja e saj ka një grua dhe një fëmijë 4-vjeçar që ka nevojë për babanë e tij.
Më konkretisht Sabina Selmani është shprehur se:
Përshëndetje do tju lutesha shumë të benit një share për familjarin tim, pasi është në gjendje tepër kritike për jetën dhe ka një afat kohor shumë të shkurtër deri në kryerjen e ndërhyrjes. Ka pësuar arrest kardiak, duke çarë kështu 3 arterie të zemrës. Momentalisht ndodhet në spitalin Nënë Tereza në Tiranë, por spitali shtetëror nuk e kryen këtë operacion si pasojë nevojitet një operacion i detajuar (privat) i cili kushton 20,000 euro. Ju lutem na ndihmoni!!
