Moderatori dhe këngëtari i njohur Ardit Gjebrea ka ndarë me ndjekësit e tij në ‘Instagram’ një lajm të hidhur. Përmes një mesazhi ai ka njoftuar për ndarjen nga jeta të xhaxhait të tij, Shpëtim Gjebrea. Teksa i dedikon disa fjalë të ndjera, Arditi tregon se xhaxhai i tij ka qenë mjek.
“Një engjëll tjetër i shtohet familjes Gjebrea, xhaxhai im… Shembulli i mirësisë, dashuria e bashkëshortes dhe dy vajzave, kujdesi i të gjithëve, mjeku që nuk u lodh për askënd. Në paqe shpirti yt! #shpetimgjebrea”, shkruan Arditi. Shpëtim Gjebrea është edhe babai i deputetes socialiste Elona Gjebrea e cila pak më parë njoftoi miqtë e saj në mediat sociale për ndarjen nga jeta të personit të saj të dashur.