Blogerja e njohur, Armina Mevlani është shumë aktive në rrjete sociale, ku publikon herë pas here foto të ndryshme. Së fundmi, ajo ka ndarë me ndjekësit e saj në Instagram një histori nga e cila është prekur shumë pasi e ka lexuar. Armina e ka përjetuar shumë keq historinë e një djali, i cili është ngjitur çdo ditë në dritaren e spitalit për të parë nënën e tij të sëmurë me Covid-19, deri në momentin që ajo ka ndërruar jetë.
“Kjo histori më bëri të qaj shumë keq. Ky djalë ngjitej çdo ditë tek dritarja e spitalit për të parë mamanë e tij të sëmurë me Covid-19, deri ditën që ai e humbi atë. Duke qarë sërish”, ka shkruar blogerja. Ngjarja ka ndodhur në Palestinë dhe i riu palestinez, i quajtur Jihad Al-Suwaiti refuzonte ta linte të ëmën të vuante e vetme.
