Policia e Tiranës njofton se në Laprakë është arrestuar një 30 vjeçar, i cili kërkohet nga autoritetet në Finlandën Perëndimore për veprat penale “Hyrje në banesë private”, “Vjedhje me dhunë”, “Shtrëngim me kanosje për dhënie pasurie” (në tentativë) dhe “Heqje e paligjshme e lirisë”.
Arrestimi u bë i mundur falë informacionit të siguruar nga Seksioni i Kërkimit në bashkëpunim me Sektorin e Krimeve të Rënda, Drejtorinë Vendore të Policisë Vlorë dhe shkëmbimit të të dhënave me Interpol Tiranë.
L. E. është arrestuar me qëllim ekstradimin drejt Finlandës, ku do të përballet me drejtësinë për veprat penale të kryera. Interpol Tirana dhe autoritetet finlandeze vijojnë procedurat për finalizimin e ekstradimit.
Njoftimi:
Tiranë/ Vijon operacioni policor “The Wanted”, për lokalizimin, kapjen dhe arrestimin, me qëllim ekstradimin, të shtetasve të shpallur në kërkim ndërkombëtar.
Kapet në Laprakë dhe arrestohet, me qëllim ekstradimin në Finlandë, një shtetas i akuzuar për vepra penale kundër jetës dhe pronës.
Falë informacionit të siguruar nga Seksioni i Kërkimit, në bashkëpunim me Sektorin e Krimeve të Rënda dhe DVP Vlorë, dhe shkëmbimit të informacionit me Interpol Tiranë, u bë i mundur arrestimi në Laprakë, me qëllim ekstradimi në Finlandë, i shtetasit finlandez:
L. E., 30 vjeç.
Ky shtetas ishte shpallur në kërkim ndërkombëtar, pasi Zyra e Prokurorit në Finlandën Perëndimore i ka caktuar masën e sigurisë “Arrest me burg”, për veprat penale “Hyrje në banesë private”, “Vjedhje me dhunë”, “Shtrëngim me anë të kanosjes për dhënie pasurie” (mbetur në tentativë) dhe “Heqje e paligjshme e lirisë”, të parashikuara nga legjislacioni penal finlandez.
Interpol Tirana, në bashkëpunim me autoritetet finlandeze, vijon punën për finalizimin e procedurave të ekstradimit të shtetasit L. E.
