Policia ka goditur një tjetër rast të kultivimit të drogës në Lukovë. Për këtë arsye u procedua kryetari i fshatit Shënvasil, Kiço Vlashi, ku u gjet droga, dhe punonjësi i shërbimit pyjor, Aleksandro Roshi në këtë zonë, për shpërdorim detyre.
Si rezultat i kontrollit të imtësishëm të territorit në fshatin Shënvasil, në një sipërfaqe toke, u gjetën të kultivuara 244 bimë të dyshuara kanabis, të cilat u asgjësuan me anë të djegies.
Vijon puna intensive për identifikimin dhe kapjen e autorit/ve të kultivimit të bimëve narkotike.
