Ministrja e Infrastrukturës dhe Energjisë, Belinda Balluku, në fjalën e saj të mbajtur në Kuvend u shpreh se ka nisur puna për ndërtimin e kantierit ku do të ndërtohet aeroporti i vlorës, që sipas saj, do të jetë më i madhi në vend. Ajo tregoi se ky aeroport do të përmbushë një ëndërr tjetër të shqiptarëve, atë të udhëtimit drejt vendeve të largëta, me qytetarët shqiptarë që nuk do të kenë nevojë të ndalojnë në një vend tjetër gjatë udhëtimit drejt SHBA-ve.
Përgjegjësia dhe detyrimi ndaj qytetarëve në këtë moment është më shumë se kurdoherë tjetër, sepse vitet fundit janë shenjuar nga fatkeqësi natyrore dhe sfida të shumta. Dëgjova sot se fatkeqësitë na i paska dërguar Zoti që të tregojë fytyrën e vërtetë të Edi rmaës. Megjithatë, neë vazhduam punën kudo ku ishte e mundur. Tashmë shpresojmë të jemi në fundin e kësaj pandemie. Aeroporti i Vlorës tashmë është një realitet. Po hidhen hapat e parë për ndërtimin e kantierit, të aeroportit më të madh në vend që do të përfundojë për 36 muaj, që do të përmbushë një ëndërr tjetër të shqiptarëve, atë të fluturimit drejt vendeve të largëta. Kështu, qytetarët shqiptarë do të kenë mundësi të udhëtojnë drejt SHBA-ve pa patur nevojë të ndalojnë në një tjetër vend.
