Banorët e Astirit kanë vijuar protestën e tyre, e cila sot shënoi ditën e 66-të, ku kundërshtojnë prishjen e banesave dhe bizneseve të tyre, që preken nga projekti i “Unazës së Madhe”.
Banorët tani kanë shkuar më tej, ku nuk kërkojnë më vetëm dëmshpërblim në 100% të vlerës së pronës së tyre, por anulim të projektit, pasi sipas tyre është korruptiv.
Por pas protestës së mbrëmjes së sotme, ashtu siç u raportua nga “Faxweb.al”, banorët e Astirit me pishtarë në duar po marrëshojnë drejt shtëpisë së kryeministrit.
Gazetarja e Fax News Edona Haklaj, raporton se banorët janë shprehur se ky vendim vjen pasi kryeministri nuk ka pranuar të shkojë tek ata, e kështu po shkojnë vetë tek Rama.
Po ashtu mësohet se ka prani të shtuar të forcave të policisë.
