Banorët e Kaninës kanë paditur në gjykatë deputetin socialist Fate velaj. Çështja konsiston në një problem pronësie, ku sipas banorëve deputeti ka përfituar në mënyrë të paligjshme 120 hektarë tokë. Pronarët aktual të tokës kanë firmosur një peticion, ku pretendojnë se po u vidhet toka, gjithashtu ata i janë drejtuar gjykatës për të gjetur një zgjidhje për problemin e tyre.
Banorët shprehen se deputeti është duke marrë në mënyrë abuzive gjitha tokat e Kaninës deri në Ujë të ftohtë të Vlorës. Ata pretendojnë të kenë gjithë dokumentacionin e rregullt të pronave, por e njëjta gjë pretendohet dhe nga deputeti socialist, i cili thekson se është trashëgimtar legjitim i tokave.Akuza e parë e ngritur nga Velaj në gjykatë ndaj banorëve është rrëzuar dhe tashmë pritet të shqyrtohen akuzat e qytetarëve. Ditën e sotme në orën 11:30, pritet të mbahet një protestë e banorëve të Kanin në lidhje me këtë problematikë.
