Me largimin e policisë dhe pas mëse 12 orësh përplasje, lideri i opozitës Lulzim Basha ka mbërritur në mbrëmje pranë Teatrit Kombëtar, nga ku ka premtuar para artistëve se do të nënshkruajë një marrëveshje me ta për ruajtjen e godinës dhe shpalljen e saj si një monument kulture. Basha deklaroi se nesër në orët e paradites do të firsmohet marrëveshja.
Basha: Kjo godinë është kujtesë e trashëgimisë kulture dhe tregues i kulturës të Tiranës dhe mbarë Shqipërisë. Beteja do të vazhdojë deri në fitoren e vlerave europiane, mbi këtë regjim hajdut antipopullor dhe antikombëtar.Që nesër të nisë rezistenca. Kërkoj nesër që të jemi të gjithë këtu.
Sepse nesër në këtë godinë do të nënshkruajmë marrëveshjen me Aleancën e Teatrit. Dhe njëherë mirënjohje për qendresën tuaj. Nesër në 11.30 do të bëhet nënshkrimi këtu mes Aleancës për Mbrojtjen e Teatrit dhe opozita. Më tutje Basha falenderoi të gjithë qytetarët, arsitët dhe pjesëtarët e shoqërisë civile që qëndruan në mbrojtje të godinës së Teatrit Kombëtar.
Basha: Të dashur bashkëqytetarë, artistë, anëtarë të Aleancës për Teatrin dua t’ju falënderoj nga zemra për shembullin heroik dhe qytetar që i treguam mbarë botës krahë krenarisë kombëtare, Aleancës për Teatrin, aleancës me kauzën më fisnike. mirënjohje për qëndresën tuaj. Jeni krenaria dhe frymëzimi për çdo shqiptar që e do Shqipërinë si Europa, jeni frymëzim për opozitën. jeni etaloni i ri i qëndresës kundër së keqes. E kuptoj gëzimin dhe lirimin të secilit prej jush. Kemi parë sot brutalitetin e plotë të një shteti mafioz e kriminal në shërbim, të një hajduti psikik që do të shkatërrojë gjithçka.
