Kreu i Partisë Demokratike Lulzim basha përsërirti sot deklaratën e mbrëmshme të Sekretarit të Përgjithshëm Gazment Bardhi lidhur me 4200 formularët e dorëzuar në Këshillin Kombëtar të PD nga Sali Berisha. Basha theksoi se Berisha nuk i ka mbledhur firmat dhe ndaj nuk i ka dorëzuar siç parashikon statuti. Kreu i demokratëve ju rikthye edhe njëherë trekëndëshit të Bermudës, duke deklaruar se ka të dhëna se regjimi është pjesë e përpjekjes për një puç brenda PD.
Ndaj pati një apel të qartë për ish-kryeministrin Berisha. “Boll harxhove kohën dhe energjitë e demokratëve, boll ndihmove Edi Ramën!” Komunikimi për mediat i kreut të PD-së Basha Basha: Nëse do ti kishte mbledhur firmat do kishte dorëzuar sipas statutit që të nismin procedurën e statutit. E gjitha ka qenë blof. Atë që nisi betejë gjoja për demokratizimin e PD përfundoi si betejë për hallet e tij personale dhe pushtetin e tij personal. Pyetje: Nëse firmat do dorëzohen do shkoni në Kuvend?
Përgjigjia e statutit është fare e qartë, ka një proces shumë të qartë. Pyetje: Pse nuk thërrisni ju një Kuvend Kombëtar? Kuvend Kombëtar sa herë të jetë i nevojshëm do ta thërras unë, sa herë të jetë i nevojshëm jam i gatshëm të thërras Kuvend për demokratët dhe Kuvend të demokratëve. Hedh poshtë gënjeshtrën se PD dhe kryetari i saj nuk duan Kuvend. Jo. Kam thënë që asnjë Kuvend dhe asnjë institucion i PD nuk do të marrë në shqyrtim vendimet e qeverisë amerikane dhe PD nuk do të kthehet në bunker për hallet as të Sali Berishës dhe askujt tjetër. Do të mbetet shpresa e demokratëve. Do ecim përpara. Kemi përpara një armik jo kundërshtar, kemi një regjim përballë.
Trekëndëshi i Bermudës? Regjimi mbështetet në një trekendësh. Kemi të dhëna që regjimi është bërë pjesë e përpjekjes për një puç brenda PD. Kam vetëm një thirrje dhe një ftesë për Sali Berishën.Nuk i kishe firmat dhe nuk i dorëzove te organet statutore ashtu siç i di fare mirë rregullat e kësaj partie se ke qenë kryetar i kësaj partie. Boll harxhove kohën dhe energjitë e demokratëve, boll ndihmove Edi Ramën!
PD do bëjë gjithçka nën lidershipin e zgjedhur që kundërshtarin e vetëm të Shqipërisë dhe armikun e vërtetë të përditshmërisë së shqiptarëve, Edi Ramën dhe regjimin e tij ta çojë një orë e më parë përpara fundit të merituar politik. Jemi në atë parlament që ky fund të vijë një orë e më parë për të rikthyer demokracinë dhe legjitimitetin në shina. Kemi çuar iniciativa dhe do ndërmarrim çdo aksion politik edhe me ndihmën e partnerëve tanë që jo vetëm demokratëve por gjithë shqiptarëve tu kthehet vota e vjedhur dhe shpresa e vrarë.
